به وب سایت روستای صومعه علیا خوش امدید
به وب سایت روستای صومعه علیا خوش امدید
جدیدترین اخبار و مطالب مربوط به روستای صومعه علیا را در این سایت مشاهده کنید
شعر های قدیمی در صومعه علیا
نوشته شده توسط: مهدی حاتمی در ۱۴ دی ۱۳۹۳ ساعت ۱۷:۱۶قدیم سوما بایاتلاری
تبریز اوستو مییانا
گول سونبوله دایانا
اوخو بولبولوم اوخو
بلکه یاریم اویانا
--------------------------------------------------------
باغا گیردیم باغبانسیز
دوه گؤردوم ساربانسیز
عالمه درمان ائتدیم
اؤزوم قالدیم درمانسیز
--------------------------------------------------------
قیزیل گول اولمایایدی
سارالیب سولمایایدی
بیر آیریلیق بیر اؤلوم
هئچ بیری اولمایایدی
--------------------------------------------------------
چیخدیم داغین باشینا
یازی یازدیم داشینا
گلن مردم اوخوسون
نه لر گلدی باشیما
--------------------------------------------------------
بو گلن یار اولایدی
الینده نار اولایدی
ایکیمیز بیر کوًینکده
یاخاسی دار اولایدی
برای دیدن متن کامل به ادامه مطلب مراجعه کنید
بو باغـــلار آلما لیــدی
آلماسی قا لما لیــدی
بوردا بیر یار سئومیشم
قاداسـی آلما لیـــدی
--------------------------------------------------------
سؤزو سؤزدن آلان وار
زولفو اوزه سالان وار
گئدن اوغلان تئز قاییت
گؤزو یولدا قـالان وار
--------------------------------------------------------
عزیزیم وطن یاخشی
کؤینه کی کتان یاخشی
غربت یئرده شاه اؤلسان
اؤلمه که وطن یاخشی
--------------------------------------------------------
گئجه اوزون آی باتماز
دردین دردیمه چاتماز
یاریندان آیری دوشن
نه دینجه لر نه یاتماز
--------------------------------------------------------
آراز آراز خان آراز
گل ائیلمه قان آراز
قوی گئدیم یار گؤزله ییر
ندیر بو طغیان اراز
--------------------------------------------------------
سور آتینی دوز یردن
آیاقلارین اوز یردن
سن سیز یارام ساغالماز
گلسه طبیب یوز یردن
--------------------------------------------------------
کاغازون آغا دونسون
بولبولون باغا دونسون
قاپیمدان گیر ایچری
اوره گیم داغا دونسون
--------------------------------------------------------
گجه نین کوچه لری
بانلاماز بچه لری
نجه سن سیز یاتیم من
بو اوزون گجه لری
--------------------------------------------------------
یریشین قازا بنزر
بویون شاهبازا بنزر
بیرجه اوزونو گورسم
قیش گونوم یازا بنزر
--------------------------------------------------------
عزیزیم گول دن گوزل
اوخور بولبولدن گوزل
یار منه بیر گول وریپ
اوزی او گولدن گوزل
--------------------------------------------------------
جیرانیم داغدان آشدی
گوردوم گوزوم قاماشدی
یارلا اوز اوزه گلدیم
بیردن دیلیم دولاشدی
--------------------------------------------------------
عزیزیم داغدا لالا
اوخشور گول اوزده خالا
دردی غمی آزالار
کیم یتیشه وصالا
--------------------------------------------------------
یاندی بو جانیم منیم
توکولدو قانیم منیم
زامانا آلدی الدن
دینیم ایمانیم منیم
--------------------------------------------------------
گزیپ آرخا دولاندیم
ساپ تک چارخا دولاندیم
ظالیم فلک الیندن
قورخا قورخا دولاندیم
--------------------------------------------------------
یاتیبسان اویان داغلار
آل-یاشیل بویان داغلار
بورا ظولمت خانادی
نجه دیر اویان –داغلار؟
--------------------------------------------------------
من عاشیقم هر آیلار
هر هفته لر هر آیلار
باشیم جلاد الینده
دیلیم سنی هارایلار
--------------------------------------------------------
الینده فانار گزر
گزدیکجه یانار گزر
بیر کس کی یوخسول اولسا
دوست اوندان کنار گزر
--------------------------------------------------------
یاغیش یاغدی یاز اولدی
گویده اولدوز سای اولدی
جفا چکدیم یار سودیم
منه قالان وای اولدی
--------------------------------------------------------
لای لای بشیگیم لای لای
اویم اشیگیم لای لای
سن گت شیرین یوخویا
چگیم کشیگین لای لای
--------------------------------------------------------
داغ باشینی سار آلدی
گولو باغدا خار آلدی
یولونو گوزله مکدن
گوزوم کوکو سارالدی
--------------------------------------------------------
چکیلیپ درد حاصاری
گدیرم درده ساری
نامرد دیزیمی قیرسا
سوروننم مرده ساری
--------------------------------------------------------
گزدیم داغی آرانی
سچدیم آغدان قارانی
وطن ویران اولسادا
جنت گوردوم اورانی
--------------------------------------------------------
بیر قوش گلیر آغداشدان
خبر ورین قارداشدان
قارداش باجیدان دویسا
باجی دویماز قارداشدان
--------------------------------------------------------
فلگین قهری منه
هچ گلمز رحمی منه
عالمه شربت وردی
ایچیرتدی زهری منه
--------------------------------------------------------
داغلارا دولو دوشر
قار یاغار دولو دوشر
قبریم یول اوسته قازین
آنامین یولو دوشر
--------------------------------------------------------
عاشیق گلیر سازی وار
غمزه سی وار نازی وار
هر باهارین بیر قیشی
هر قیشین بیر یازی وار
--------------------------------------------------------
داغ باشین دومان آلماز
یار یاری درده سالماز
یار منه بیر درد وریپ
یوز ایل گچه ساغالماز
--------------------------------------------------------
سالما بو درده منی
یار گورسون بیرده منی
نامرده محتاج اتمه
کس قوربان مرده منی
--------------------------------------------------------
آی زامانا زامانا
اوخو قویدوم کامانا
ٳششک لر آرپا یییر
آت حسرت دی سامانا
--------------------------------------------------------
سو گلدی داشا دیدی
کیرپیکلر قاشا دیدی
بی وفا یار یولوندا
گول عومروم باشا دیدی
--------------------------------------------------------
اولدوز دونوب آی اولماز
یاز گتمسه یای اولماز
کونول سون گوزله
گوزللیکده تای اولماز
--------------------------------------------------------
سو ایچرم بارداقدان
اوپوم قایماق دوداقدان
یاخین گله بیلمیرم
قادان آلیم اوزاقدان
--------------------------------------------------------
نظرات کاربران:
I just could not depart your site before suggesting that I extremely enjoyed the standard info a person supply
to your guests? Is gonna be again incessantly to check
up on new posts
نوشتن دیدگاه