به وب سایت روستای صومعه علیا خوش امدید

تاپماجا (چیستان) و جوابلاری

او ندیر بالالارین ییغار باشینا سیزیللار =  سماور

بیر اتاق وار دیوارلاری صدف دن =  آغیز

او ندیرکی سوتونی یوخ دایانیب = گوی

او ندیرکی رنگی یوخ بویانیب = طبیعت

او ندیرکی اوت گورمه میش داغ اولار = اورک

او ندیرکی نه الی وار نه ایاقی سنن اولان اونی مینر یولّاقی = تابوت

او ندیرکی قره گلر آغ اولار = سقال

او ندیرکی بو داغدان او داغا ایلچیدی = یئل

او ندیر کی قاریشگادان کیچیکدی = مئغمغا

او ندیرکی هئچ آت داشا چیخمادی او آت چیخدی = دولدول

او ندیرکی نه ارکک دیر نه دیشی = قاطیر

او ندیرکی ییغیشسا داغ اولار = گناه

او ندیرکی همی ارکک دیر همی دیشی = دولدول

او ندیرکی اللاهین عرشیننن منه بیر خبر گتیرر = نردبان

او هانسی شهردیرکی خرابه دیر، یئنه ده خرابه = لوت

او ندیرکی دریسی وار توکی یوخ = بالیق

او ندیر قاب آلتیندادیر= قونشو پایی

داغدا شاققیللار = ایلدیریم

چایدا شاپیللار = بالیق

اوبادا نیگهبان = ایت

کنده سولیمان = خوروز

تاپ بو ندیر تاپماجا، ایاقلاری یاپماجا، گوزلری وار پیالاجا = دوه

یئر آلتیندا یاغلی قمیش = ایلان

قره تویوخ جوکدو یئره، باغیرساق لارین توکدو یئره = زنجیر

برای دیدن متن کامل به ادامه مطلب مراجعه کنید

حاجی لار حاجی حاجا گئدر
عهد ائدر گئجه گئدر
بیر یومورتا ایچنده
یوزاللی جوجه گئدر
                    (( نار))
قوتو قوتو ایچینده
قوتو صاندیق ایچینده
بابامین آغ یاییلیغی
اودا اونون ایچینده
                    (( شابالید (شاه بلوط) ))
له َین-لهَ ین لهَ ینده
له َین بوینون ایَنده
یئمیشلرده نه یئمیش
یئمک اولماز دَیَنده
                    ((خیار))

هالالار، های هالالار
بوردان بیر یول سالالار
ایچی قیرمیزی چولو یاشیل قالالار
آغیللی لار آغیل ایله تاپارلار
آغیل سیزلار اوندا معطل قالارلار
                                    ((قارپیز))

ممدباغیر باغیندا
گول بیتر بوداغیندا
یئل وورار یئللندیرر
سیرغاسی قولاغیندا
                        ((گیلانار))

داغدان گلیر هه نیر هونور
ال آیاغی حالقا دمیر
 وور باشین، اوتور گمیر
                          (( قوز- جویز))

ساری ساری صاندیق لار
ایچی دولو فیندیق لار
                        (( بال قاباغ))


عالمی بئزر، اؤزر لوت گزر
                                 ((ایینه))

آغاج باشین اویدولار
کنده کوخا قویدولار
                       ((چاناق))

گلن لیله ک، گلن لیله ک
بیر قیچ اوسته دوران لیله ک
                                ((قاپی))

باشینا کلم باغلایار
اوره گی ورم باغلایار
اوغول-اوشاغی یئغیب
دسمال آلیب آغلایار
                          ((سماور))


تاپ تاپماجا
کول پاپماجا
ممه لی خاتین
دیشلری یوخ
               ((تویوق))

گئدیر گئدیر آیاغی یوخ
آدام اؤلدورر، الی یوخ
کوینه یی وار، تیکیشی یوخ
یومورتا سالار، توکو یوخ
                              ((ایلان))

آلتی داشدی، داش دئییل
اوستو داشدی، داش دئییل
بیزده یوخدو، سیزده یوخدو
یئر آلتیندا قیزیل اوخدو
بوداق وئریر یارپاغی یوخدو
                                 ((مارال بوینوزو))

 یاتاندا یومورو یاتار
اتین درمان تک ساتار
هرکس ایسته سه توتسون
تیکانی الینه باتار
                            ((کیرپی))


اوچان بیر قوش گرکدیر
ایشی تامام کلکدیر
دییرمانا جان وئریر
خرمنه ده گرکدیر
                         ((کولک))

ناردا وار، ناردا وار
ناردان شیرین هاردا وار
ال توتماز پیچاق کسمز
اوندان شیرین هاردا وار؟
                           ((یوخو))

آنامین بیر دونو وار قاتلاماق اولماز
اوستو دولو آغ اشرفی، ساناماق اولماز
                                          ((اولدوز و سما))

بیر قوشوم وار جانی یوخ
قانادی وار جانی یوخ
اوچور اوزاق یئرلره
ائله چوخدور سانی یوخ
                          ((طییاره)

داغدا تاپیبلدار ((بالتا))
سودا شاپبیلدار ((بالیق))
اوبادا فرمان ((ایت))
کندده سولیمان ((خوروز))



سوال:                                                جواب:
زولفون اوجو گوموشدور                       زولفون اوجو ایلاندیر
سال بوینونا ایلیشدیر                            سال بوینوما دولاندیر
بار وئرر کولگه سالماز                         بار وئرر کولگه سالماز
آشیق نئجه یئمیشدیر                              آشیق، بو دومبالاندیر

 ایندی تاپ بو ندی؟(جوابلاری اخر صفحه هستش)

1  - آخشام اولددی قیریلدیق
سحر آچیلدی دیریلدیک

2 - او نه دی کی: ائلده دوغار اری یوخ؟

3 - تاپ بو نه دی:
بیر قوشوم وار آلا، بولا
دیمدیگینه ساری بالا
صور دودویون چالا چالا
گئدیر جییار دعواسینا

4 - ا و نه دی قانادی وار، پری یوخ

5- او نه دی کی: اؤزی واردی باشی یوخ؟

6- تاپ بو نه دی:
هه گئدر، هو گئدر
بیر قاریش یول گئدر

7 - بیر ائوده دورد گلین
دوردی ده بیر بویدا

8 - تاپ بو ندی: ایکی داغ بیر-بیرین گورمز؟

9- بئش قارداشیدی هامیسی کچل

10- محکم دی داش دئییل
دورد قیشلی دی اینک دئییل
یومورتا دوغور تویوق دئییل

11-او ندی کی قانادیندا خالی وار؟

12- او نه دی کی، یئر آلیندا آینا گزر

13-  نه قیچی وار، نه کله سی
قولی وار، قارنی جیریق؟

14- یومورودی جویز دئییل
ساری دی لیمو دئییل
شمشیردی کسن دئییل
شیری وار، یئین دئییل

15- تاپ بو ندی تاپماجا
قولاخلاری یاپباجا
گوزلری پیالاجا
آیاخلاری سیرفاجا

16- هامینی بئزر اؤزو لوت گزر

17- او نه دی کی: یازدیقین اوخویانماز

18- جیققلی حعفر،بل تپر؟1

19- باشی جهنم، وسطی بهشت، آلتی دنیز

20- تاپ بو ندی : منن چیخدی، سنه گیردی؟!

21 - او ندی کی : هم آغزینان ایچر، هم آغزیننان ایشر؟

22- او ندی کی: اؤزو جوج جولدر، بالالارین باشینا یغار؟

23- استانبول دامیننان دنه-دنه قار گلیر

24- بیر باغ اوت توتماز، مین قویون توتار؟

25- تاپ بو ندی: گئجه گونوز یول گئدر یورولماز؟

26- او ندی کی: چکدیکجه قیسالار؟

27- بیر آستانا، ایکی آستانا
بوردان گئدر هنوستانا

28- او ندی کی: یول اوسته، باغلی بوخچا؟

29- تاپ بو ندی: یاش ووردوم، قورو چیخارتدیم؟!

30- او نه دی: دام اوسته، ایت اؤلوسی؟

31- تاپ بو ندی: نه یئرده دی، نه گویده، قندیلده دی (وسط) ،قندیلده؟

32-او ندی داغدا تابیلدا، سودا شابیلدا؟

33- گؤزیم گوره -گوره، گیردی قیچلاریوا؟!

34- آنان جوته دی، آتان زیتدادی

35-جیققلی بویی،دامجان تویی؟!

36- بیزیم ائوده کندی وار
کندینین کمندی وار
گویده گئچن قوشلارین
آیاغینین بندی وار

37-قوتو قوتونون ایچینده
قوتودا، قوتونون ایچینده
اوغلانین بیگ دستمالی
اودا قوتونون ایچینده؟

38- او دوندی بالتا گورمه ییب
اوندی دگیرمان گورمه ییب
دوندی درزی گورمه ییب

39- سیچاندی جانی یوخدی
پیشیکدن باکی یوخدی؟

40- او نه دی آغاج قوتو دی
ایچینده دورد قارداشی وار؟

41- دام اوسته دلی درویش؟

42- هنگلدر هونگولدر
یئری یه بولمز
دینگیلدر؟

43- آتارام آتماز
اوجو یئره باتماز
آند ایچه رم پیادا گتمز؟

44- او ندی کی: منده بیر، سنده ده بیر
الله دا یوخ، پیغمبرده یئددی؟

45- جانلی قاباخدا قاچیر
جانسیز دالینجا قاچیر

46-تاپ بو ندی: ووردوقجان شیشیر؟

47- جانی وار، نفسی یوخ؟

48-نفسی وار، جانی یوخ؟

49- دده وه بیر قاریش، ننه وا کوپله مه؟!

50- آغ بالیغیم سودا اوینار، آتیلار دوشر بیرده اوینار؟

51- بیر حیواندی عمرنده، دوغماز؟

52- دوه دابانی
گزر اوبانی
بیر ایاقی وار
اوشده دابانی

53- یاغیش یاغار،دامجی دامار
دوه بالاسی کوشک اولار
چاتی قیرلار دورت یاش اولار
بونی تاپمیان ائششک اولار

54- تاپ بو ندی: دیققلی قوپو، شیبیلدار سویو؟

55- او نه دی کی: حققیلن باطیلین آراسی، دورد بارماقدی؟

56- تاپ بو ندی:
ساری دی جیران دئییل
یازیلی دی، قرآن دئییل
قاناتدی دی قوش دئییل
بورنووزلی دی قوچ دئییل؟

57- تاپ بو نه دی :
باشی ورم باغلار
دیبی کلم باغلار
بالالارین یغار باشینا
مرجان-مرجان آغلار

58- من گئدیرم ایزی یوخ
دره تپه دوزو یوخ
هممه شه سودا اوینار
دریسی وار، توکو یوخ

59-بیر قوشوم وار اویون باز!
اووویا گیرر چیخماز!
ماللا بیر پیتیک یازار
گوروم چیخار یا چیخماز؟

60- یاتار یاتامماز
دورار دورامماز
بیر قریش گئتمه سه
آدام گئدنمز

61- قالانین دورد بیر یانی برج بدندی
یاشیل آلدین، قیرمیزی بیچدین، او بس نه دندی؟

62- داغین بو یانی بوخچی، اویانی بوخچی، وسطینده قوزو اتی؟

63- داغین بویانی آغ پلو،اویانی آغ پلو، وسطی ساری پلو؟

64- گئجه آغا، گوندوز نوکر

65- داغلاردا یئل اسر گئدر
سؤز دئمه میش کوسر گئدر

66- او نه دی کی:
بوش اولسا، ترپنمز
دولو اولسا یول گئدر

67- تاپ بو نه دی: من اؤلرم، او اؤلمز

68- ائل یاتدی، قیچین اوزاتدی؟!

69- تاپ بو نه دی زنجیر قیرار، چوخ پول ییغار؟

70- او نه دی کی: بیر آتدی هامی اونو چاپاجاق؟

71- بیر کوزه ده ایکی سو
نه آق ساریا قاریشار
نه ساری آغا قاریشار

72- تاپ بو نه دی:
بیر آتیم وار آت ائیلرم
اؤلسه قیامت ائیلرم
اتینین فایداسی یوخدو
سویوننان خیرات ائیلرم

73- تاپ بو نه دی:
بیزیم ائوده بیر قویو وار
ایچینده سرین سویو وار
هر آدامین بیر هویو وار؟

74- او نه دی کی:
قوجوغا گوتورنده آغلار
یئره قویسان اوغونار

75- او نه دی کی:
اوستو اکین بیچللر
آلتدی چایدی ایچللر

76- تاپ بو نه دی:
بئش قول دی
اوچونو گون توتماز
ایکی سین توتار؟

77- کر ساپی
کرکی ساپی
بیر طرفی کوتوهدی
اونو شیرین بیلیر؟!

78- بیر قوشوم وار سورمه لی
دانیشار چوخ گولملی
هرکیم اونو تاپماسا
بیر جوت اؤپوش وئرمه لی

79- تاپ بو نه دی:
گون چیخاندا حرامدی
گون باتاندا حلالدی

80-اتی یوخدو قانی وار
اونسوز دونیا سارالار

81- قاردی کومور دئییل
شیرین دی شکر دئییل
ایچی چوب، اودون دئییل
مولامین یئمیشدی
بو ماحال دا تاپلماز
اوزاخ یئرلردن گلیر

82- او نه دی کی:
 ایشیق سالدی تئز گئتدی
هارای باسدی دیسگیدی

83- تاپ بو نه دی:
بیر پوتاغی بئش یارپاغی؟

84- قلمه لیکده تولکو وار
دیلیک- دیلیک بورکو وار

85- بوش گئدر دولو گلر
دولو گئدر بوش گلر

86- اله یینه اون قویدوم، اورتاسینا قان قویدم

87- آنا بیر قیز دوغدو
نه آیاغی وار نه باشی
قیز بیر آنا دوغدو
هم آیاغی وار، هم باشی

88- اتدن شیش، دمیردن کاباب

89- آغ ساریدا، ساری سلطان اوتوور

90- حیوان سویوندو، اینسان گئیندی

91- یئددی ده لیک لی توخماق
بونو بیلمه ین آخماق

92- ال سیز ایاق سیز قاپی آچار

93- من یاتارام، او یاتماز

94- اوزون اوخ، کولگه سی یوخ

95- الله دان قوخماز، جنت دن چیخماز

96- بیر قیزیم وار، بیر گوزو وار

97- ال سیز ایاق سیز، آغاجا چیخار

98- آغ زمی ده، قارا قویون یایلیر

99- اؤزو قازانار، ائله باغیشلار

100-بیزیم ائوده دلی وار، تپه سینده گولو وار

101- وارلی نین الینده، کاسیبین دیلینده

102-ساللانار، گیرر،سولانار چیخار

103- من آچارام،آنام دولدورار

104- یاریم قاشیق،دووارا یاپیشیق

105- عادله خانیم آتاندی
اتک لری قاتاندی

106-سودان گئچر ایسلانماز

107- بوستاندا قارتال اتورور
فاناتین اؤرتر اوتورور

108- گویه گلیر خان کیمی
مصیرلی سلطان کیمی
سریلر حصیر کیمی
سورونر اسیر کیمی

109- قاپیننی آچدی باغیردی قاچدی

110- سودا بالیق، قویروغو یانیق

111- ندیت ائتدی یاتماغا، قیامته قالماغا

112- اذان اوخور ناماز قیلماز
آرواد آلیر نکاح قیلماز

113- باشین اوستونده، بورکون آلتیندا

114- آق یولدا گئدر، قارا یول سالار

115- تاپ بو نه دی: جامیش بالاسیندان بویوکدو

116- آخشام باخدیم چوخودو
سحر قالخدیم یوخودو

117- قیللی آغزین آچدی
چیلپاق ایچینه قاچدی

118-الیم قدر اؤزو وار
اوتوز ایکی گوزو وار

119- بیر قاپاخلی ، چوخ یارپاخلی

120- بیری ساغدیر بیری سول، آتدیم آتدیم آلیر یول


جوابلاری
1- یوخو     2- آغاج         3- توفنگ        4- کپه نک      5- سوریه سوخولان قورد    6-قاپی-کلیددان
7- بوجاقلار   8- گوزلر     9- بارماقلار      10- تووسباغا   11- کپه نک             12- جوت
13- خوت       14- اون شاهی    15- دوه       16- ایگنه         17- قلم              18- گزان- کورتوز- کاوار قاشیان
19- قلیان      20- سالام          21- سهنگ(کوزه)    22- ساماور      23-الک         24- قاریشقا یوواسی
25- سو       26- چوپوق-سیگار   27- توستی      28- مال پوخی      29- چؤرک     30- چیم-باجانین قاپاغی
31- دام        32-تفنگ -توخاش     33- شالوار       34-باشماق     35- چیراغ      36- توفنگ